笑谈广州话

单料同煲”——一滚九熟。形容女人滥交。一和陌生人说上几句就非常熟了。贬义。单料的铜煲导热性能强。
　　　
　　“巴闭”嘅由来——“巴闭”来自广州话，好耐好耐以前系学习自印度话，汉朝嘅时候广洲已经同东南亚及中东等国家人民做生意，啲印度商人好鬼嘈，成日叫：“BAPRE,BAPRE！”，呢句嘅意思系“我的天呀！”，于是广州人就学佢地噉讲，讲下讲下就变成今日嘅“巴闭”喇！
　　
　　“混吉”嘅由来——原来系因为以前嘅小型饭店，只要你去帮衬就会免费奉送一碗清汤，饭店每日所售嘅鸡鸭鹅猪牛肉，都系用呢一锅水整熟既，所以汤入面有肉味，然后落一堆味精，就系一碗清汤啦！因为系清汤，所以入面乜料都冇，即系空空如也，香港人觉得“空”等于“凶”，所以就改成“吉”，所以碗汤就叫做“吉水”。当时，有好多穷人，入到饭店，一坐低，伙记就摞一碗“吉水”嚟，啲穷人一口气饮完，静鸡鸡就走咗去，因为呢碗汤系免费，所以饭店唔可以捉佢，所以伙记就叫呢种混骗嘅行为叫做“混吉”！
　　
　　“杯葛”嘅由来——其实，“杯葛”是英文BOYCOTT的译音，意思即系“反抗和抵制”，唔讲你唔知，此BOYCOTT原来系一个人名，佢全名叫做Charles&n bsp;Cunningham Boycott，生于1832年，死于1897年，系北爱尔兰一个恶汉，专替贵族大地主等收租，手段凶残，专逼害那些穷困的佃户，一遇到冇钱交租嘅，就会诸多逼害。于是，呢班佃户一呼百应，联合起来对付逼害者。杯葛打唔过佢地，惟有落荒而逃，自始面目无光，备受困扰痛苦而死。爱尔兰佃户今次打胜仗，轰动一时，影响很大。此后但凡抵制或断绝关系，成为政治经济斗争手段，就以此位爱尔兰收租佬的姓氏命名，叫做“杯葛”也。
　　
　　“大耳窿”嘅由来——原来开阜初，香港洋人印（度）人大集会，而放贵利嘅多数系“白头摩啰”，呢啲“摩啰差”戴白头巾，所以人人都叫佢地做“白头摩啰”。白头摩罗扮相古怪，爱戴一只大如铜元的耳环，所以耳朵要穿个耳洞，港人觉得可憎，称佢哋为“大耳窿”。不过，另有一说，当时放贵利，都系放小额款项如三几毫纸畀劳苦大众，为使人哋知到佢哋有钱借，就将一个银元塞喺耳仔嘅耳窿，作为记号，令人认得。
　　
　　“一蚊鸡”嘅由来——原来我地所讲嘅“一蚊鸡”系与塘西风月扯上关系；话说去塘西召妓，初步手续先写一张“花纸”，而格式亦有一定，先写自己名号（以几多自称），中间写妓女名字，最后一行写妓院名称。写好之后，便交由酒楼杂役带去妓院，那些阿姑接到“花纸”，便应召“出局”。妓女每次局票收一元，而省港人士向来称妓女为“鸡”，既然一元召得一“鸡”，后来就索性称一元做“一蚊鸡”。顺带一提，这一元只是陪酒谈笑而已，属“体面上”的手续，如果饮客要有更进一步的行动，还要花很多很多钱，这“一蚊鸡”只系美梦嘅开始！
　　　
　　“十三点”嘅由来——“十三点”是上海市井俚语，因为解放之后大量上海人南移，才变成趣怪广州话。“十三点”初时意谓“敲乱钟”，原来旧时的时钟，每逢一小时便报时一次，例如下午四时，钟摆便会敲响四下，五点敲五下，至多系十二点，也不过敲十二下，但居然敲出十三响，唔通有十三点不咩？当然系出咗问题，正如俗语所讲癫癫地！所以，《十三点》就系代表人既性格《癫癫地》。
　　
　　“丫呜”嘅由来——有好长一段时间，广东人已遗忘“丫呜”这俗语，不过，大约是一九八五年林子祥所唱的《丫呜婆》，重新使“丫呜”流行了一阵子。“丫呜婆”，丑怪女人，因为“丫呜”本身已经系怪物，而“丫呜婆”当然系好极有限。其实，以前有个汉朝大将军叫做刘胡，因为皮肤坳黑，所以叫呢个将军做“坳胡”。蛮人非常害怕大将军之武功，每遇小儿扭计哭啼，就索性拿这个恶人来吓孩子们：“刘胡来啦！”“坳胡来啦！”“丫胡婆来啦！”...“丫胡公来啦！”由此可见，“丫呜”不算系甚么怪物，只是个貌丑的黑炭头将军，后来才渲染成为鬼怪！
　　
　　“捉黄脚鸡”嘅由来——原来呢个搞笑俗语系出自广东的农村，农民养鸡，专养雌鸡而唔中意养雄鸡，因为雌鸡可以生鸡蛋，所以价钱不错。所以如果要拜神，当然先□雄鸡黎拜，点捉雄鸡？农民先将谷撒在门外，群鸡就会“鸡咁脚”嚟食谷，当班雌鸡食紧谷嘅时候，班雄鸡就“色心起”！懒得去食谷，一扑就扑上雌鸡背上，交配......呢个时候，正系捉雄鸡的最好时候，那色鬼当时并冇防范，农民捉住它的鸡脚，咁就得啦！雄鸡的双脚呈深蛋黄色，而雌鸡就系浅黄色，所以很容易辨认！“捉黄脚鸡”一词就系咁样来的，而且真系十分传神！
　　
　　“朱义盛”嘅由来——“朱义盛”系“假嘢”咁解。一八二四年佛山，该处有个叫朱义盛的人在“筷子路”开设“朱义盛号”店铺，他发明用紫铜渡金，制成金饰，工艺很好，同真野差唔多，买唔起真金的人，就来帮衬朱义盛了，因此“朱义盛”就成为“假野”的代名词? ：罄茨匚恢煲迨⒃诠阒菘辏笔焙枚嘞缦吕校涞焦阒蘼覅钕辞鼻蒙瓜燃堑靡蚪鹗钨吕掀牛詈缶腿グ镩础爸煲迨⒑拧保尤豢梢月魈旃＃陨馐趾茫值昕耸嗉遥笔痹惫ぞ褂芯徘酥啵∫虼恕爸煲迨ⅰ本徒ソケ涑伞凹僖啊钡拇省?BR>　　
　　“放飞机”嘅由来——何为放飞机呢？话说旧香港。有一日，就要上演飞机飞行。系香港有史以来第一次有飞机睇！仲要系部水上飞机添！全香港万众期待：有人要放飞机睇啊！第一日到来，因为打风，冇得开，众人失望而归；第二日，天朗气清，各人以为有嘢睇，点知个飞机师病咗，要推到第三日。而第三日呢，到部机个引擎出事，修理唔到。跟住就——bye bye喇！所以啲人就用放飞机嚟形容讲咗去做，又唔做嘅人嘅行为嘞！